Est custa vida piena de affannos

sa chi consumi s’umana pianta

est leze sa natura tottaganta

siat in riccos o poveros pannos.

Oramai contamos tottus mannos

che semus arrivende a sos baranta

e narrer chi sa leva ‘e su Sessanta

ch’at trascursu quasi barant’annos.

Peṛ semos ancora in gioventude

e cumpetentes in dogni dimora

e responsabiles in dogni faina

cun allegria fortuna e salude

pro sessant’annos vivemus ancora

finas a che brincare sa chentina.