B’at cherfidu pius de barant’annos

po programmare sa riunione,

bennidos sunis a conclusione

de raccontare gioias e affannos.

Dae cando fin pitzinnos fin a mannos

ammentade de sa vida ogni rejone

e gai giamban d’ogni chistione

ca sa vida est piena de ingannos.

Però isperan dae como in susu

chi sa sorte bi benza’ cambiada

vivat dognunu a piaghere sou;

S’istella luminosa diat prou

‘i bi benzat sa vida illuminada

dae Maria Giuseppe e Gesusu.