Home

Le Filastrocche

Filastrocca 1

E ballati cummari Maria

nc' è cumpari Vicenzu chi sona

e va jiti comu a lu ventu

cummari Maria e cumpari Vicenzu.

Roccu, Roccu, Roccu,

no' mi tuccari chi non ti toccu

vola, vola, vola,

comu lu ladru lu tempu vola.

'Mpari Peppi, mpari Peppi

vi pigghiu la misura di li scarpi

'mpari Natu, mpari Natu

attentu chi rumpiti lu mattunatu.

E ballati cumpari Nateddhu

e vui cumpari cu tambureddhu

e vui ballati cumpari Nateddhu

e vui faciti sempri accussì.

Jeu si ballu no' stancu mai

e mi scordu ri me' guai

e ora sì chi mi li scordu...

E ballati, ballati, ballati

fimmini schetti e maritati

e si non ballati bonu

non vi cantu e non vi sonu

e si non ballati pulitu

'nci lu ricu a lu vostru zitu.

Sciù, sciù, sciù

cantu fimmini chi 'nci su'.

'Mpari Peppi, mpari Peppi

vi pigghiu la misura di li scarpi

'mpari Natu, mpari Natu

attentu chi rumpiti lu mattunatu.

Torna su

Filastrocca 2

Ai, ai, ai, chi bella mugghieri chi capitai

'nci cattai la ugghia e lu filu

e n'a vitti cugiri mai,

ogni tantu rava 'n puntu

spetta ddhocu chi ora ti cuntu.

'A vitti 'nta na strata

e era beddha assai

e dopu 'n misi 'i corti

pigghiaia e m'a spusai.

'U primu jiornu rissi

chi ama l'eleganza

e chi 'nci fannu schifu

l'omini c'a panza.

Non 'mboli chiù chi mangiu

cipuddha c'a 'nzalata

pirchì 'nci faci schifu

u' sciauru 'nta basciata

Torna su

Filastrocca 3

Quant'è brutta la 'me zita

tutta fracita e 'mpurruta

focu mi avi brutta è

cchiù brutta r'iddha nun 'nci nd'è.

Avi l'occhi quantu a 'n purtusu

unu apertu e l'autru chiusu

Avi li ricchi quantu 'n pagghiaru

quandu chiovi mi riparu

Avi li ricchi quantu 'n coppinu

unu pi' l'acqua e l'autru pu' vinu

Avi lu nasu quantu 'n cannolu

quandu si suscia voli 'n lenzolu

Avi la bucca china china

chi denti 'nd avi 'na quattrina

Avi li spaddhi quantu a 'na cascia

una jiata e l'autra mbascia

Avi 'nu pettu finu finu

quantu 'u culu r'un piattinu

Avi 'na panza quantu 'na butti

quandu camina sruzza a tutti

Avi lu culu quantu a 'n tamburu

quandu camina faci rumuru

Avi l'anchi i ferru filuatu

quandu camina bucca 'i 'nu latu

Pi' furtuna avi li sordi

chi cumbogghiunu tutti 'i mbrogghi.

Quant'è brutta la 'me zita

tutta fracita e 'mpurruta

focu mi avi brutta è

cchiù brutta r'iddha nun 'nci nd'è.

Torna su