Questo intervento fu pubblicato sull'Unione Sarda del 13.7.1994 in risposta ad un intervento dell'on. Gianni Pilo che sosteneva la sardità di Forza Italia. Era allora al potere il Governo Berlusconi che non dimostrò particolare benevolenza per la Sardegna. Le riflessioni restano valide anche se al Pilo si è affiancato il Pili.

INTERVENTO

Po is interessus nostrus? Sa "zona franca"

Gianni Pilo ha lassau s'italianu de is faulas televisivas e s'est postu a scriri in su sardu de mama sua, e s'intendeus mellus. Sa Sardigna podit campai sena limusinas, ma po fai custu s'Istadu italianu non depit fai passai sa gana de traballai cun pagamentas e segamentus... burocraticus. Pilo ha nadu ca depemus produi casu, ma is "quote latte" non funt inventadas in Sardigna. Su turista si scrammentat a viaggiai in is traghettus napolitanus , pagaus de is sardus, e preferidi andai a mari in Spannia, o in Tunisia, inui non passat sa notti in sa banchina de su portu a s'usu 'e zingarus. Si manescidi unu sistema chi nos naraus "zona franca", chi cunsentat de fissai pagamentas, doganas , e limitis a produi, segundu is interessus nostrus e non dei is canis mannus de Roma e de su corru 'e sa furca. Su discursu de sa lei maggioritaria in custu discursu non appitzigat a nudda. Su populu ha votau po su sistema maggioritariu po su Senau, e non po su Consillu Regionali, e su Senau, eleggiu cun su sistema maggioritariu, est oi sena maggiorantzia, a sa facci de sa "governabilità". Immoi chi su deputau Pilo fueddat in sardu de natzione sarda, podeus dimandai poita non narat a is ministrus de sa parti sua de arritirai su ricursu a sa Corti Costitutzionali contra 'e sa lei po sa limba e sa cultura sarda. Si du fait podi nari de essi orgolliosu de essi sardu, si non du fait...

Partito sardo d'azione